Hæ hæ í dag er 22 mars, spáið í þessu sumarið er alveg að fara koma.  Vorið er svo sannarlega komið hér í köben, sólin skín og rosalega fallegt veður, frekar heitt í skjóli, eins og t.d á svölunum hjá mér, þá er bara bongoblíða.  J  

Nú ég er komin 36 vikur +1 dag í dag.  Og er það ferlega skrítið, erum bara ekki að fatta þetta hjúin að barnið farið bráðum að koma í heiminn. J   Ég þvoði barnaföt í gær og barnarúmföt og stóð svo og straujaði allt eins og brálæðingur í allan gærdag, jú jú ég tek mér hana Erlu Bryndísi til fyrirmyndar hvað straujun varðar, því gellan strauaði allt í 2 mánuði fyrir hana Emílíu Mist.  Já enda fyrirmyndar móðir þar á ferð get ég sagt ykkur.  Ég hugsaði samt í gær að þessu myndi ég ekki nenna, að strauja allt í heila 2 mánuði.  En það kemur í ljós, hvað maður hefur mikinn afgangstíma og svona til að STRAUJA. J I Enda var ég nú ekki góð í bakinu í gærkveldi eftir alla þessa straujun.  En er heppin með það, að ég næ að sofa bakverkinn úr mér og er orðin nokkuð góð daginn eftir.  Nú taskan er að verða tilbúin sem ég tek með uppá spítala, búin að kaupa heimferðagallan handa krílinu og þvo og strauja hann, og snuddur, brjóstainnlegg, dömubindi og e-ð fleira dóterí. Gauti minn getur nú andað léttar, var ekkert að lítast á blikuna um daginn, þegar átti eftir að kaupa allt í töskuna og gera töskuna klára og svona.  Fannst konan sín e-ð ferlega easy yfir þessu öllu saman. J   Ég fór í skoðun til læknis á þriðjudaginn síðastliðinn, og var allt eins og á að vera, fannst samt frekar pirrandi að ég var inni örugglega í 5 mín, en það er víst svona þegar allt er í lagi að þá nennir, læknirinn ekki að eyða neinum tima í mig.  Barnið er alveg skorðað núna, sem sagt fast með hausinn niður í grindinni, og er ég alveg búin að finna fyrir því undanfarna daga, því ég finn fyrir svona auknum þrýstingi þarna niðri og þegar ég labba stundum að þá kemur ferlega skrítin tilfinning.  Svo ég REYNI að taka lífinu með ró, er samt alltaf að brasast e-ð alveg ótruleg, að geta ekki slappað meira af með tærnar upp í loft. J En þegar íbúðin verður klár, þá hugsanlega get ég nú reynt að slappa meira af, já og allt tilbúið fyrir komu barnsins.  Þá verður SLAPPAÐ Af.   Erum að fara í ikea á eftir til að kaupa kommóðu eða svona skenk til að geyma barnafötin í. J Mamma og pabbi koma svo þann 12 apríl. Hingað út til okkar, svo ég vona að krílið verði þægt og gott í maganum á mömmu sinni, þangað til 12 apríl. J Nú svo ætla tengdó að koma líklegast í kringum 12 maí til okkar.  Til að sjá nýjasta barnabarnið.  Svo það verður alveg meiriháttar gaman. J   En ætla að fara að laga aðeins til og ná svo í gauta í vinnuna. J   Hafið það sem allra best þangað til næst. Ósk bumbulína.......

Sælar elskurnar mínar, löngu kominn tími á fréttir.  KÆRAR ÞAKKIR FYRIR ALLAR KVEÐJURNAR. Þið eruð yndi allar saman.

Nú við erum flutt í íbúðina OKKAR, og er það alveg æðislegt, hún svo hugguleg og bara allt svo huggulegt hérna, hverfið ,sameignin, nágrannarnir, þvottahúsið, supermarkaðirnir sem eru í 3 mín fjarlægð, hvað vill maður meir.  Allavega þá er þetta bara fullkomið, gauti er búin að standa á haus síðan við fengum íbúðina afhenta fyrir akkúrat viku síðan í dag.  Hann er búin mála svefnherbergið, taka teppið af þar, og er að vinna núna í gólfinu í svefnherbergniu.  Svo það styttist í að við flytjum úr stofunni góðu og inn í svefnherbergið okkar. Erum svo spennt að komast inn í svefnherbergið okkar, þar sem við svafum í stofunni á kollegiinu í 1 og hálft ár.  Já tíminn er fljótur að líða eins og ég tönglast alltaf á.   Þið fáið svo myndir af öllum herlegheitunum þegar íbúðin er orðin klár.  ÉG LOFA  Gauti hefur mestar áhyggjur af að ná ekki að gera allt fullkomið áður en krílið kemur í heiminn, en ég segi honum að hafa ekki neinar áhyggjur því krílið ætlar að vera stillt í maganum á mömmu sinni þangað til settur fæðingardagur nálgast, og pabbinn er búin að gera allt fínt og afi og amma eru mætt á svæðið til að vera viðstödd fæðingu á barnabarninu og aðstoða okkur hjúin. Jú jú þetta ræði ég við bumbubúann mínn af og til, svo hann sé með allt á hreinu skooo hi hi.

En talandi um þessi litlu krílí að þá eignaðist hún Ollý mágkona mín litla stelpu þann 5 mars. síðastliðinn.  Svo gauti er búin að eignast systurdóttur, og er hann sko mjög spenntur yfir því.  Við bíðum allavega spennt eftir myndum af litu prinsessunni Elsku Ollý og Valur innilega til hamingju með litlu prinsessuna. 

Nú ég fór í mæðraskoðun 1 mars. síðastliðinn, og kom svona allt ljomandi vel út eins og alltaf.  Fínn blóðþrýstingur, fínt svag, fínn hjartsláttur og bara allt eins og á að vera.Já og barnið er búið að skorða sig, ekki ma gleyma því.   Enda hef ég engar áhyggjur, litla krílinu mínu virðist liða þrælvel í bumbunni minni.  Enda eru spörkin orðin það öflug að það sést stundum á maganum mínum þegar barnið sparkar eða er að hreyfa sig, og það er sko ekkert smá skemmtileg upplifun að finna bara t.d hælinn á barninu sínu skjótast þarna út um síðuna á manni. Þetta er alveg yndislegt allt saman.  Ég þarf vísu að PISSA aðeins of oft á nóttunni fyrir minn smekk, en það fylgir jú bara, Var með soltinn bjúg á fótunum um síðustu helgi en það var nú bara að því að ég ósk stef, varð að klára eldhúsið á einu kvöldi.  Já maður gleymir því hreinlega stundum hvað maður er komin langt á leið, svo ég hef verið að reyna að passa mig síðan þá. Rannveig og haukur, komu svo í heimsókn síðasta laugard. og var það voða notalegt, því rannveig hjálpaði mér að skipuleggja eldhúsið og taka sumt eldhúsdót upp úr kössunum og svona, held að hun hafi nú ekki verið sátt við vinkonu sína að ætla geyma margt eldhúsdót í kössum upp í skáp.   Svo var hún mjög dugleg að segja við mig þarftu nú að eiga þetta, viltu ekki bara henda þessu,´og ég saup hreinlega kveljur, því ég tími ekki að henda neinu.  Vissi nú samt ekki að ég væri svona slæm, en ég þarf að hleypa henni í fataskápinn minn og þá getur hún sannfært mig um að henda fötum bolum sem voru keyptir á spáni árið 2001 og svona he he.  Takk fyrir hjálpina monsan mín.

Já ekki má ég gleyma að minnast á hann Óla vin okkar, en hann er smiður eins og Gauti og vinna þeir saman, og hún Ella mín sem er konan hans óla, hún kallar sem sagt gauta og óla hjónin.  Sem á by the way mjög vel við.  Því þeir eyða í raun meiri tíma saman tveir en með okkur konunum, og eftir að vera búin að vinna saman í 8 tíma á dag að þá talast þeir við í síma sko 2-3 sinnum eftir vinnudaginn.   Jú jú svona er lífið í danaveldinu. he he En þau óli og ella eru nú alveg frábær skötuhjú og eru búin að bjóða okkur svo oft í dýrindis máltíðir að við skötuhjúin skuldum þeim mörg matarboðin Þegar íbúðin verður klar. Svo um daginn fengum við fallegt rimlarúm hjá þeim, sem barnið okkar mun sofa í.  Takk fyrir það elskurnar.  Jæja óli var að væla um að vera ekki nefndur á blogginu mínu, svo hér er aldeilis pistill um hann óla smið.

En nú er komið að því að elda handa elskunni minni. Svo ég vona að þið séuð sátt við þennan pistil að þessu sinni, ég lofa svo að hafa ekki svona langt á milli þangað til næst, BUMBULÍNAN